အမှောင်မှ အလင်းသို့ ဖြန့်ကျက်ခြင်း

စင်္ကာပူကျွန်းသေးသေးတွင် သွားစရာ လည်စရာ ဓာတ်ပုံရိုက်စရာ အတော်ရှားသောကြောင့် မြင်နေကျ HDB တိုက်တန်းများကို တခါတလေ အမြင်တမျိုးဆန်းဆန်းနှင့် မြင်ကြည့်သော အခါ အရောင်မျိုးစုံ ရောယှက်ကာ လှပနေသည်။



ဟိုး အဝေးဆီမှာ စေတီလေး တစ်ဆူကို ခပ်ရေးရေး တွေ့မြင်ရသည်။ နောက်ခံ မိုးမြင့်တိုက်များကိုလည်း လှမ်းမြင်နေရသည်။



ဤပုံတွင် စင်္ကာပူ နိုင်ငံ၏ နာမည်ကြီး PSA ကုန်တင်ကုန်ချ သင်္ဘောဆိပ်ကမ်းကို မြင်နေရသည်။ အမှောင်ထဲမှ ကျွန်တော် လှမ်းကြည့်လိုက်တဲ့အချိန်တွင် တိမ်မှောင်မှောင်တို့ကြားမှ ထိုးထွက်လာသော အလင်းရောင်တချို့ကို တွေ့လိုက်ရသည်။ တစုံတရာကို ခံစားမိလိုက်သည်။ ကြည်နူးမှုလို့ ကျွန်တော်ထင်သည်။

ပန်းရယ် ပျားရယ်..

နေရောင် အကျမှာ ပန်းခင်းကလေးက အရောင်တွေ တောက်ကာ လှပနေတယ်...





ပန်းခင်းကလေးမှာ ပန်းဝတ်မှုန်ကူးတဲ့ ပျားကောင်လေးတွေ ၀ဲကာပျံနေတယ်.. ဟိုတစ်ကောင် ဒီတစ်ကောင်...
ဟိုတစ်ပွင့်က ခုန်ပျံလွှားပြီး ဒီတစ်ပွင့်ဆီ ကူးလာပြန်တယ်...





သိပ်လှတဲ့ မြင်ကွင်းတစ်ခုဖြစ်သလို သဘာဝသိပ်ကျတဲ့ ဖြစ်တည်မှုတစ်ရပ်ဖြစ်တယ်...

တစ်ဆယ်တန်ပြပွဲ

ကျွန်တော်မှာရှိတဲ့ လခနဲ့ ဒီလိုကားမျိုးကို ၀ယ်နိုင်ဖို့ရာ မလွယ်ပါဘူး..
ဒါပေမယ့် ကြည့်လို့တော့ကောင်းတယ်ဗျာ..

ရောက်ခဲ့တဲ့ ပြပွဲအမည်က..


ရိုက်ခဲ့တဲ့ ပုံတွေထဲက အကြိုက်ဆုံးပုံလေးပါ...


မြင်ခဲ့ တွေ့ခဲ့သောအရာများထဲမှ သက်ရှိများ...
















မတူတဲ့ မြင်ကွင်းတစ်ခုက မြင်တဲ့အခါ...


တစ်ဆယ်တန်စွာ ကြည့်ခဲရသော သိန်းသန်းတန်ကားများ..








အင်ဂျင် ၀ှက်ထားတဲ့ကား..


အသံ စပီကာတွေ ဆင်ထားတဲ့ကား..


တခါမှ မရောက်ဖူးတာမို့ ဒီနှစ်ရောက်ခဲ့တယ်... လုံလောက်သွားပါပြီ..ဇော်ဝင်းရှိန် သီချင်းထဲကလိုပါပဲ...
တစ်စီးမှ ကျွန်တော်မပိုင်သေးပါဘူး..

သေတမ်းစာ

သေခြင်း.. ရှင်သန်လာခဲ့ခြင်းရဲ့ အဆုံးသတ်က သေခြင်းတရားပါပဲ...
ကျွန်တော်တို့ဟာ သေဆုံးခြင်းကို အချိန်မရွေး ကြုံတွေ့နိုင်တယ်။
မနေ့က အကောင်းကြီးပဲ ဒီနေ့ ဘယ်လိုဖြစ်တာလဲဆိုတဲ့ ရုတ်တရက်သေခြင်းမျိုးကို
ပတ်ဝန်းကျင်မှာ တွေ့ကြုံရမြဲပါ...

ဘုရားကျောင်းတစ်ခုရှိ ပြာအိုးလေးများနှင့် မှတ်တိုင်လေးများကို ရိုက်ထားခြင်းဖြစ်ပါတယ်




ရောဂါကြောင့် သေတယ်၊ မတော်တဆ ထိခိုက်မှုတွေကြောင့်သေတယ်။
အဲလို ကိုယ့်သေမယ့် ရက်ကိုကြိုမသိနိုင်တဲ့ သေခြင်းမျိုးတွေအပြင်
ကိုယ်သေမယ့် ရက် ဒါမှမဟုတ် နှစ်ကို ကြိုသိနေတဲ့ ရောဂါရထားတဲ့သူတွေ...
ကိုယ့်ကို ကို စနစ်တကျ စီမံပြီး အဆုံးစီရင်သူတွေ.. ကိုယ်နဲ့ အတူ
အခြားသူတွေကိုပါ အတူခေါ်ဆောင်သွားတဲ့ အသေခံဗုံးခွဲတိုက်ခိုက်သူတွေ...

သုသာန်ဟောင်းတစ်ခုပါ.. မသုံးတာနှစ်ပေါင်းကြာလှပြီဖြစ်တဲ့ ဒီနေရာမှာ ဘယ်သူ ပန်းခွေလာချသွားတာပါလဲ...




ဘယ်လိုနည်းမျိုးနဲ့ သေ သေ... မသေခင်မှာ တန်ဖိုးရှိအောင်လေးနေသွားရအောင်..
မာန်မာနတွေကို နည်းနည်းလောက် ထိန်းကြည့်ပါ.. ဒေါသတွေကို လျှော့ကြည့်ပါ..
လိုချင်မှု လောဘတွေကို ရောင့်ရဲကြည့်ပါ.. လူအချင်းချင်း စာနာကြည့်ပါ... လေးစားပါ..
ဂရုဏာတရားထားပါ...

ကျွန်တော်ကို ကျွန်တော် သတိပေးတယ်...
“သေခြင်းတရားမှာ လက်တကမ်းမှာ ရှိတယ်!!!!”

ကျွန်တော်သာ ရုတ်တရက်သေဆုံးသွားရင်...
ကျွန်တော့်ကြောင့် စိတ်ဒုက္ခ အကြီးအကျယ်ရောက်ကြတဲ့သူတွေ ကျွန်တော်အား ခွင့်လွတ်ပါရန်...

ထိုးထွင်းဖောက်သော အလှတရားများ..

ကျွန်တော် မလကာ ရေလက်ကြားမြို့ကလေးကို ရောက်တုန်းက ပြတိုက်တွေ တစ်တိုက်ပြီးတစ်တိုက် ၀င်ကြည့်ခဲ့တယ်..
ပြတိုက်အများစုက မလေးဘာသာစကားကို အသုံးပြုပြီး တချို့သာ အင်္ဂလိပ်ဘာသာကို တွဲဖက်ဖော်ပြထားတယ်..
မလေးဘာသာ အသုံးပြုတဲ့ ပြတိုက်တွေမှာဆို တစ်ယောက်တည်း ယောင်လည်လည်နဲ့ ဓာတ်ပုံတွေကိုကြည့်၊
ပန်းချီကားတွေ ကြည့်၊ ကြိုက်တာလေးတွေ ထူးဆန်းတာလေးတွေ တွေ့ရင် ဓာတ်ပုံရိုက်မိတယ်..

ဒီပုံလေးက ပန်းချီကားပါ။ ပါးစပ်ထဲကို ပန်းကန်ပြားလေးတွေထည့်တဲ့ လူမျိုးတစ်မျိုးရဲ့ ပုံပါ။



ဒီပုံကလည်း ပန်းချီကားပါ။ စာလုံးတွေ မြင်ဖူးတယ်လို့ မထင်လိုက်ပါနဲ့... မြန်မာပြည်က ဆေးမှင်ကြောင်ပါ။ ရှေးက ကျွန်တော်တို့ဆီမှာ ထိုးကွင်းဆေးမှင်ကြောင်မရှိရင် ယောင်္ကျားမပီသဘူးလို့ထင်ကြတယ်..အခုခေတ်မှာတော့ ဒါမျိုးတွေရှားပါးသွားပါပြီ...



ဒါကတော့ ရုပ်ထုပါ.. နှာခေါင်းမှာ အပေါက်ပါတဲ့ လူရိုင်းတစ်ယောက်ရဲ့ ပုံပါ..



နားမှာ အပေါက်ကြီးကြီးတွေရှိတဲ့ လူမျိုးတွေရဲ့ ပုံပါ.. ဘေးက လေးပုံက ဓာတ်ပုံဖြစ်ပြီးတော့ အလယ်က ပုံကတော့ ရုပ်ထုကို
ဓာတ်ပုံရိုက်ထားတာလို့ ထင်ပါတယ်။ တနေ့က MRT စီးတုန်းမှာ နားပေါက်ကြီးကြီးနဲ့ အဖြူတစ်ယောက်ကို တွေ့လိုက်ရတယ်..



နောက်ဆုံးတစ်ပုံကတော ကျွန်တော် အကြိုက်ဆုံးပါ.. သွားတွေကို တံစဉ်းနဲ့ ချွန်ထက်အောက် စားထားတဲ့ လူတစ်ယောက်ရဲ့ပုံပါ။



ဒါပုံတွေကို ကြည့်ပြီးတော့ လူမျိုးတွေမတူသလို ဓလေ့တွေ ခြားနားပါတယ်.. အားလုံးက လှတယ်လို့ ထင်ကြတဲ့ အရာတွေဟာ
မတူနိုင်ပါဘူး..

သနပ်ခါး ပါးကွက်ကြားလေးနဲ့ ကောင်မလေးတစ်ယောက်ကို ကျွန်တော်တို့ မြန်မာတွေက လှတယ်လို့ထင်ပေမယ့် တခြားလူမျိုးတွေက
မျက်နှာရဲ့ သဘာဝ အလှကိုဖျက်တယ်လို့ ထင်ကြပါတယ်...

အရှိန် နှင့် စင်္ကာပူ

ကင်မရာကို စကိုင်စ ကတည်းက ညဘက်ကို ဓာတ်ပုံရိုက်ထွက်ရင် စိတ်တိုင်းမကျတဲ့ ပုံတွေ ထွက်ထွက်လာတယ်။
တချို့က မှုန်ဝါးဝါး တချို့က ဘလားဘလား...

ဒီရက်ပိုင်းမှ စိတ်တိုင်းကျ ပုံလေးတွေရလာတယ်... Shutter speed ကို နားလည်လိုက်ခြင်းရဲ့ ပထမဆုံးပုံလေးကတော့
အိမ်က စာအုပ်စင်လေးပါ... အိပ်မက်ဆန်ဆန် ၀ိုးတ၀ါး ပုံရိပ်တွေကို ကျွန်တော်သဘောကျမိတယ်။



မီးပွိုင့် တစ်ခုမှာ ဖြတ်သွားတဲ့ ကားတွေကို ရိုက်ထားတာပါ...



ဒါကတော့ နောက်တစ်ပုံပါ..



ဒီပုံမှာ တော့ ဟိုး အဝေးက စင်္ကာပူ ပါလီမန်ကို လှမ်းမြင်ရတယ်။ အဲဒီမှာ စင်္ကာပူရဲ့ အရှိန်ကို ကျွန်တော်တွေးမိသွားတယ်။



အရှိန်နဲ့အဟုန်နဲ့ စင်္ကာပူလူမျိုးတွေကြိုးစားခဲ့ကြတာ လွန်ခဲ့တဲ့ ဆယ်စုနှစ်လေးခု ငါးခုလောက်ကမှပါ... အခုတော့ ကမ္ဘာ့ရဲ့
အဖွံ့ဖြိုးဆုံး နိုင်ငံတွေထဲမှာ ရှိနေပါပြီ... အကောင်းနဲ့ အဆိုးဆိုတာ ခွဲခြားလို့မရ အောင် ဒွန်တွဲနေတတ်တဲ့ အရာနှစ်ခုပါ...
ပြီးပြည့်စုံခြင်း၊ အရာရာမှာ ကောင်းနေခြင်းဆိုတာ လောကမှာ မရှိနိုင်ပါဘူး...စင်္ကာပူဟာ အမှားအနည်းဆုံးလမ်ကြောင်းပေါ်ကို
ရောက်ခဲ့တယ်။
တတိယမျိုးဆက် ၀န်ကြီးချုပ် လီရှန်လုံးက “ ငါတို့မှာ ကြီးကျယ်တဲ့ သမိုင်းဆိုတာမရှိခဲ့ဘူး.. ဒါကြောင့်
သမိုင်းရှိခဲ့တဲ့ အိမ်နီးချင်းနိုင်ငံတွေကို ကြည့်ပြီး အတုယူရမယ်၊ သူတို့အမှားတွေကို ကြည့်ပြီး ငါတို့ သင်ခန်းစာယူရမယ်” လို့ ပြောတယ်။



ကျွန်တော်တို့ တွေလည်း စင်္ကာပူလူမျိုးတွေဆီက အတုယူစရာတွေ အများကြီး ရှိနေပါတယ်...။

ဟဲ့... နွား... သွားဟ..

စိုက်ပျိုးရေးအခြေခံနိုင်ငံ ဖြစ်တဲ့ မြန်မာနိုင်ငံ နဲ့ အိမ်နီးချင်းနိုင်ငံ အချို့ မှာ နွားကို ထွန်ယက်စိုက်ပျိုးဖို့ အသုံးပြုကြပါတယ်။
ဒါပေမယ့် ကျွန်တော့် အလုပ်က တရုတ်ကလေးတွေက ပြောတယ်။ သူတို့ တရုတ်နိုင်ငံမှာ နွားကိုမသုံးတာ ဆယ်စုနှစ်နှစ်ခုနီးပါး ရှိနေပါပြီတဲ့ ၊ နွားအစား စက်များကို အသုံးပြုကြတယ်တဲ့ ။

မြက်သယ်လာတဲ့ နွားလှည်းတစ်စီးကို ရိုက်ထားတာပါ။ နွားလှည်းကို သယ်ယူပို့ဆောင်ရေး မှာလည်း ကျွန်တော်တို့ တွေ အသုံးပြုဆဲပါ။



ဝန်းခြံ ကျယ်ကျယ် မြက်ပေါတဲ့ နေရာတွေမှာ နွားတွေကို လွတ်ထားပြီး ကျောင်းကြလေ့ရှိတယ်။



အဲလို နေရာတွေထဲက တစ်နေရာဟာ ရတနာပုံ တက္ကသိုလ် ကျောင်းဝန်းဖြစ်နေတာပါပဲ..



သံလွင်အိပ်မက် မဂ္ဂဇင်းမှာ တင်ဖူးတဲ့ လယ်သမားတစ်ယောက် လယ်ထွန်နေတဲ့ ပုံဖြစ်ပါတယ်..



နွားက နေပြီး လျှပ်စစ်ဓာတ်အားထုတ်လုပ်နိုင်ပြီဆိုတဲ့ သတင်းထူးတစ်ခုကြောင့် နွားပေါများတဲ့ ကျွန်တော်တို့ မြန်မာနိုင်ငံကြီး မီးထိန်ထိန်လင်းတော့မယ်လို့ ထင်မိသော်လည်း...